Suspiro di sosiegu

Bientu ta karisia e kòrtina subtilmente

Un brisa trankilo ta karga e sosiegu di anochi trese paden

E pan será ku keshi riba un tayó ku un pida rant kibrá

E te di lamungras den un kòpi bieu i gastá

E stul di zoya ku ta keha i ta sinti  kansa

Kortina ku ta move manera hola di laman 

Solo ku ta pinta e shelu oraño, ros i lila kla

E atardi ta sinti manera un konfeshon di amor

Manera un revelashon di e berdat ku ta graba riba mi kurason
Manera kandela ku ta kima tristesa di pasado for di superfisie di mi ser
Manera palabra nan di fluister pa karisia mi orea 

E atardi ta sinti manera un suspiro 

Un promesa pa un mañan ku lo sinti manera un brasa kaluroso

Un rosea profundo

Un brisa sensibel

Tempu a para warda

Pa duna e momentu aki espasio pa penetrá te den mi ser